రేవంత్ రెడ్డిపై ఏకంగా ఈడీకి ఫిర్యాదు

రేవంత్ రెడ్డి కాంగ్రెస్ పార్టీ టికెట్లు అమ్ముకుంటున్నారని ఆ పార్టీ నుంచి గద్వాల్, ఉప్పల్ , బహదూర్​పురా టికెట్లు ఆశించి భంగపడ్డ డాక్టర్ కురువ విజయ్​కుమార్, రాగిడి లక్ష్మారెడ్డి, ఖలీమ్ బాబా ఆరోపించారు. మంగళవారం చార్మినార్​లోని భాగ్యలక్ష్మి ఆలయం వద్ద అమ్మవారి ఎదుట ప్రమాణం కూడా చేశారు. రేవంత్ టికెట్లు అమ్ముకున్నాడని మేము అమ్మవారి ఎదుట ప్రమాణం చేశామన్నారు. టికెట్లు అమ్ముకోలేదని భాగ్యలక్ష్మి అమ్మవారి ఎదుట రేవంత్ రెడ్డి ప్రమాణం చేయాలన్నారు. కొన్నేళ్లుగా కాంగ్రెస్ పార్టీకి పనిచేసిన వారికి అన్యాయం జరుగుతోందన్నారు. టికెట్ల విషయంలో ఎలాంటి అవినీతికి పాల్పడలేదని రేవంత్ రెడ్డి తన మనవడిపై ప్రమాణం చేయాలని డిమాండ్ చేశారు.