Rahul Gandhi : అధికారంలోకి రాగానే జనగణన చేస్తాం

ఈ పదేళ్లలో ప్రధాని మోదీ కొన్ని కుటుంబాలకు మాత్రమే మేలు చేశారన్నారు. అదానీ, అంబానీ కుటుంబాలకు మాత్రమే లబ్ది చేకూర్చేలా ఆయన నిర్ణయాలు తీసుకున్నారన్నారు. రిజర్వేషన్లపై ఉన్న యాభై శాతం పరిమితిని తాము అధికారంలోకి రాగానే ఎత్తివేస్తామని చెప్పారు. రాజ్యంగ రక్షణ కోసం కాంగ్రెస్ పార్టీ కట్టుబడి ఉంటుందని చెప్పారు. ప్రతి పేదింటలో ఒక మహిళను గుర్తించి ఆమె పేరిట బ్యాంకు ఖాతాలో ఏడాదికి లక్ష రూపాయలు జమ చేస్తామని తెలిపారు. తెలంగాణలో అధికారంలోకి రాగానే ముప్ఫయి వేల ఉద్యోగాలు ఇచ్చామని ఆయన గుర్తు చేశారు. బీజేపీ రిజర్వేషన్లను తొలగించాలని ప్రయత్నిస్తుందని అన్నారు.

ఎయిర్‌పోర్టులు, బ్యాంకులు, పోర్టులను అమ్మేసి మోదీ ప్రభుత్వం అద్వానీ, అంబానీలకు ప్రయోజనం చేకూరుస్తుందన్నారు. బీసీ రిజర్వేషన్లను కూడా తొలగించాలని బీజేపీ ప్రభుత్వం చూస్తుందని ఆయన ఆరోపించారు. తాము అధికారంలోకి వస్తే ప్రతి పేద కుటుంబాన్ని కోటీశ్వరులను చేస్తామని చెప్పారు. యువత కోసం ఉపాధి అవకాశాలు మెరుగుపడేలా ఉద్యోగాలు ఇస్తామని తెలిపారు. రైతులకు కనీస మద్దతు ధరను కల్పిస్తామని రాహుల్ గాంధీ హామీ ఇచ్చారు. రైతులను మోదీ ప్రభుత్వం పట్టించుకోవడం లేదన్నారు. ఈ ఎన్నికల్లో కాంగ్రెస్ ను గెలిపించాలని ఆయన విజ్ఞప్తి చేశారు. తాము అధికారంలోకి రాగానే అందరికీ న్యాయం చేస్తామని తెలిపారు.