ఐదు సీట్ల పంచాయతీ పెట్టిన సీపీఐ

తెలంగాణ రాష్ట్రంలో అసెంబ్లీ ఎన్నికలకు సంబంధించి ఆయా పార్టీలు మల్లగుల్లాలు పడుతూ ఉన్నాయి. కొన్ని పార్టీలు ఒంటరి పోరాటం చేయాలని సిద్ధమవ్వగా.. ఇంకొన్ని పార్టీలు పొత్తులతో ముందుకు వెళ్లాలని అనుకుంటూ ఉన్నాయి. కాంగ్రెస్ పార్టీ సీపీఐను కలుపుకుని ఎన్నికల బరిలో దిగే అవకాశం ఉందని అనుకుంటూ ఉండగా.. తాజాగా సీపీఐ నుండి కాంగ్రెస్ ముందు ఓ డిమాండ్ వచ్చింది. తెలంగాణ అసెంబ్లీ ఎన్నికల్లో ఐదు సీట్లలో పోటీ చేయాలని సీపీఐ భావిస్తోంది. సీపీఐ ప్రతినిధులు బుధవారం కాంగ్రెస్ పార్టీ జాతీయ ప్రధాన కార్యదర్శి కేసీ వేణుగోపాల్‌ను కలిసి తాము పోటీ చేయాలనుకుంటున్న స్థానాలతో కూడిన జాబితాను అందించారు.