Telangana : వామ్మో పది రోజుల్లో ఇన్ని డెంగీ కేసులా? తెలంగాణకు వైరల్ ఫీవర్

తెలంగాణలో పది రోజుల్లో డెంగ్యూ కేసులు భారీగా నమోదయ్యాయి. డెంగ్యూ ఎఫెక్ట్ తో ప్రభుత్వాస్పత్రుల్లో బెడ్ ల కొరత ఏర్పడింది. ప్రైవేట్ ఆస్పత్రులలో కూడా రోగులు ఎక్కువ సంఖ్యలో వస్తున్నారు. ఇవి లెక్కకురావడం లేదు. తెలంగాణ రాష్ట్ర వ్యాప్తంగా 2,847 డెంగ్యూ కేసులు నమోదయ్యాయని అధికారులు తెలిపారు. అత్యధికంగా హైదరాబాద్‌లో 1101 కేసులు నమోదయినట్లు చెప్పారు. ఖమ్మం జిల్లాలో 287, మేడ్చల్‌ జిల్లాలో 268, సూర్యాపేట జిల్లాలో లో 217 డెంగ్యూ కేసులు నమోదయ్యాయని వైద్య ఆరోగ్య శాఖ అధికారులు తెలిపారు. తెలంగాణలో 6,500 టైఫాయిడ్‌,140 మలేరియా కేసులు నమోదైనట్లు అధికారుల దృవీకరించారు.