Formula E Car Rase Case : కేటీఆర్ అరెస్ట్ ఆగింది అందుకేనా?

ఇదే సమయంలో ఎన్ ఫోర్స్ మెంట్ డైరెక్టరేట్ కూడా కేసు నమోదు చేసి విచారణ ప్రారంభించింది. అయితే ఏసీబీ అధికారులు మాజీ మంత్రి కేటీఆర్ ను విచారించి మరోసారి విచారణకు పిలిచినప్పుడు రావాలని జనవరి 16వ తేదీన కోరింది. అయితే అప్పటి నుంచి ఇప్పటి వరకూ కేటీఆర్ ను ఏసీబీ అధికారులు మళ్లీ పిలవలేదు. ఈ విషయంలో రాజకీయ మాటల యుద్ధం జరుగుతుంది. ఫార్ములా ఈ కారు రేసింగ్ కు సంబంధించిన ఫైల్స్ ఈడీ అధికారులు పట్టుకుని వెళ్లారని, ఈడీ ఎందుకు అరెస్ట్ చేయలేదని రేవంత్ రెడ్డి ప్రశ్నించగా, కేంద్ర మంత్రి బండి సంజయ్ మాత్రం బీఆర్ఎస్, కాంగ్రెస్ ఒక్కటేనని, అందుకే అవినీతిని కాపాడే ప్రయత్నంచేస్తున్నారని, కేసును సీబీఐకి అప్పగించాలని ఆయన డిమాండ్ చేశారు.

అయితే కేటీఆర్ ను ఫార్ములా ఈ కారు రేసు కేసులో అదుపులోకి తీసుకోకపోవడానికి బలమైన కారణాలున్నాయని కాంగ్రెస్ నేతలే ఆఫ్ ది రికార్డుగా చెబుతున్నారు. ప్రస్తుతం తెలంగాణలో గ్రాడ్యుయేట్, టీచర్ ఎమ్మెల్సీ ఎన్నికలు జరుగుతున్నాయని, ఈ ఎన్నికలు పూర్తయిన వెంటనే మరోసారి ఏసీబీ నుంచి కేటీఆర్ కు పిలుపు రావడం ఖాయమని చెబుతున్నారు. ఫార్ములా ఈ కారు రేసు కేసులో ప్రభుత్వం వద్ద స్పష్టమైన ఆధారాలున్నాయంటున్న కాంగ్రెస్ నేతలు కేటీఆర్ ను అరెస్ట్ చేస్తే సెంటిమెంట్ తో బీజేపీ లబ్ది పొందే అవకాశాలున్నాయని చెబుతున్నారు. ఈ ఎమ్మెల్సీ ఎన్నికల్లో బీఆర్ఎస్ పోటీ చేయకపోయినప్పటికీ కేటీఆర్ ను అరెస్ట్ చేస్తే కాంగ్రెస్ కు నష్టం చేకూరుస్తుందేమోనని కొంత వెనక్కు తగ్గారని ఒక సీనియర్ నేత వ్యాఖ్యానించారు. రేపటితో ఎన్నికల ప్రక్రియ పూర్తవుతుంది కాబట్టి తిరిగి విచారణ ప్రారంభమవుతుందని ఆయన తెలిపారు.