శ్రీరామ్ సాగర్ కు పోటెత్తిన వరద.. గేట్లు ఎత్తివేత

నిర్మల్ జిల్లాలోని కడెం ప్రాజెక్ట్ మరోసారి స్థానికుల గుండెల్లో దడ పుట్టిస్తోంది. ఎగువ ప్రాంతాల నుంచి భారీగా వరద నీరు రావడంతో.. జలాశయం పూర్తిగా 700 అడుగులు నిండిపోయింది. ప్రాజెక్టులోకి 3.8 లక్షల క్యూసెక్కుల వరదనీరు వస్తుండగా.. 14 గేట్లను ఎత్తి 2.4 లక్షల క్యూసెక్కుల నీటిని దిగువకు విడుదల చేస్తున్నారు. మరో నాలుగుగేట్లు మొరాయించడంతో.. ప్రాజెక్టు పై నుంచి వరదనీరు పొంగుతోంది. ఎగువనుంచి వచ్చే వరద ప్రవాహం తగ్గితే తప్ప.. కడెం ప్రాజెక్టు వద్ద ఈ భయానక పరిస్థితి అదుపులోకి వచ్చేలా లేదని స్థానికులు భయాందోళన చెందుతున్నారు. ఈ క్రమంలో మంత్రి ఇంద్రకరణ్ రెడ్డికి నిరసనసెగ ఎదురైంది. ప్రాజెక్టు గురించి జిల్లా మంత్రి అయిన ఇంద్రకరణ్ రెడ్డికి ఫిర్యాదు చేసినా పట్టించుకోలేదని, గతేడాది కూడా ఇలా వరదల కారణంగా అపారమైన నష్టం వాటిల్లిందని వాపోతున్నారు.