నమ్మించి నట్టేట ముంచింది : హరీశ్ రావు

కాంగ్రెస్ నమ్మించి రైతులను నట్టేట ముంచిందని మాజీ మంత్రి హరీశ్ రావు అన్నారు. రైతులకు తాము పండించిన ధాన్యాన్ని ఐదు వందల రూపాయల బోనస్ ఇచ్చి కొనుగోలు చేస్తామని చెప్పి చివరకు సన్న వడ్లనే కొనుగోలు చేస్తామని చెప్పిందని అన్నారు. కాంగ్రెస్ బోనస్ పెద్ద బోగస్ అంటూ ఆయన మండిపడ్డారు. ఎన్నికల హామీని కాంగ్రెస్ అమలు చేయకుండా ఇలా అడ్డదారిలో వెళుతుందన్నారు. రైతులు తాము పండిన పంటను బోనస్ ఇచ్చి ప్రభుత్వం కొనుగోలు చేస్తుందని ఎదురు చూస్తుండగా కేవలం సన్న వడ్లనే కొనుగోలుచేస్తామని చెప్పడమేంటని హరీశ్ రావు ప్రశ్నించారు.