దేశంలోనే నంబర్ వన్ ఆస్పత్రిగా గాంధీ

కరోనా ఫస్ట్ వేవ్ మొదలు.. ఇప్పటివరకూ గాంధీ ఆస్పత్రిలో 84,127 మంది రోగులకు చికిత్స అందించినట్లుగా అక్కడి వైద్యులు వెల్లడించారు. విశేషమేమిటంటే.. దేశంలోని మరే ఆస్పత్రిలోనూ ఇంతమంది రోగులు చికిత్స పొందలేదు. పైగా గాంధీలో కరోనాకు చికిత్స తీసుకున్న వారిలో.. 3,762 మంది 14 ఏళ్ల లోపు చిన్నారులు కూడా ఉన్నట్లు వైద్యులు తెలిపారు. అలాగే హైరిస్క్ గ్రూప్ కు చెందిన 8,178 మంది డయాలసిస్ రోగులు కూడా ట్రీట్ మెంట్ తీసుకుని కోలుకున్నారు. కరోనా సెకండ్ వేవ్ తర్వాత బ్లాక్ ఫంగస్ అందరినీ ఆందోళనకు గురిచేసింది. ఈ కేసులకు కూడా గాంధీ వైద్యులు చికిత్స చేసి, నయం చేశారు. ఇప్పటివరకూ 1786 మంది బ్లాంగ్ ఫంగస్ తో ఆస్పత్రిలో చేరగా.. వారిలో 1163 మందికి సర్జరీలు చేసి వారి ప్రాణాలను కాపాడినట్లు తెలిపారు. వీటిలో అత్యధిక కేసులు ఏపీ, కర్ణాటక, మహారాష్ట్ర ల నుంచి వచ్చినట్లు గాంధీ వైద్యులు పేర్కొన్నారు.