KTR: సిద్ధంగా ఉండండి.. ఫలితాలపై మంత్రి కేటీఆర్‌ ఇంట్రెస్టింగ్ ట్వీట్
తెలంగాణలో అసెంబ్లీ ఎన్నికల పోలింగ్‌ ముగిసి కౌంటింగ్‌ ప్రారంభం కానుంది. మరికొన్ని గంటల్లో నేతల భవితవ్యం వెలువడనుంది..
తెలంగాణలో అసెంబ్లీ ఎన్నికల పోలింగ్‌ ముగిసి కౌంటింగ్‌ ప్రారంభం కానుంది. మరికొన్ని గంటల్లో నేతల భవితవ్యం వెలువడనుంది. ఉదయం ఎనిమిదిన్నర గంటలకు ప్రారంభం కానున్న కౌంటింగ్‌పై ఇతర రాష్ట్రాలతో పాటు రాష్ట్ర ప్రజల్లో తీవ్ర ఉత్కంఠ నెలకొంది. ఎగ్జిట్ పోల్స్‌ ఫలితాలపై వివిధ పార్టీలలో టెన్షన్‌ వాతావరణం నెలకొంది. ఎగ్జిట్ పోల్‌ ఫలితాలు నేపథ్యంలో కాంగ్రెస్‌ పార్టీ అనుకూలంగా రావడంతో వారు ఇప్పటి నుంచి సంబరాలు చేసుకుంటున్నారు.
మరో వైపు బీఆర్‌ఎస్‌ తగ్గేదిలే.. అన్నట్లు తమ గెలుపు ఖాయమని, మరోసారి ముఖ్యమంత్రిగా కేసీఆర్‌ పగ్గాలు చేపట్టడం ఖాయమని బల్లగుద్దినట్లు చెబుతున్నారు బీఆర్‌ఎస్‌ నేతలు. ఈ నేపథ్యంలో మంత్రి కేటీఆర్‌ ఇప్పటికే మంత్రి కేటీఆర్‌ ఎగ్జిట్ పోల్స్‌ విడుదల తర్వాత ఆసక్తిర ట్వీట్ చేశారు. 'చాలా కాలం తర్వాత తాను ప్రశాంతంగా నిద్రపోయానంటూ ట్వీట్ చేశారు. ఎగ్జిట్ పోల్స్‌ ఎలాగున్న గెలిచేది తామేనంటూ ధీమా వ్యక్తం చేశారు.
ఇప్పుడు మరో ట్వీట్ చేశారు. గన్ గురి పెడుతున్నట్లు ఉన్న ఓ ఫొటోను పోస్ట్ చేసిన మంత్రి కేటీఆర్‌.. 'హ్యాట్రిక్‌ లోడింగ్‌ 3.0. వేడుకలు చేసుకోవడానికి సిద్ధంగా ఉండండి' అంటూ ట్వీట్ చేశారు. దీంతో కార్యకర్తల్లో, నాయకుల్లో కేటీఆర్‌ జోష్‌ నింపారు. మరి ఈ ఎన్నికల పోరాటంలో ఎవరు విజయం సాధిస్తారో మరి కొన్ని గంటల్లో తేలిపోనుంది.
