Caste Census Survey : కులగణన సర్వేకు మరో రెండు రోజులే గడువు... ఇంకా పాల్గొనని వారు ఎంతమంది అంటే?

తెలంగాణలో కులగణన సర్వే మరోసారి ప్రభుత్వం ప్రారంభించింది. గతంలో జరిగిన సర్వేలో పాల్గొనని వారి కోసం మరొక సారి సర్వే నిర్వహించాలని నిర్ణయించింది. గతంలో సర్వే చేసినప్పుడు తెలంగాణ వ్యాప్తంగా 3.56 లక్షల కుటుంబాలు సర్వేకు దూరంగా ఉన్నాయి. వారి కోసం ప్రత్యేకంగా ప్రభుత్వం ఈనెల 16వ తేదీ నుంచి 28వ తేదీ వరకూ రీ సర్వే నిర్వహించాలని నిర్ణయించింది. ఈ సర్వేలో అందరూ పాల్గొనాలని కోరింది. ప్రధానంగా హైదరాబాద్ నగరంలోనే ఎక్కువ మంది దూరంగా ఉండటంతో పాటు కొన్నిఇళ్లకు ఎన్యుమరేటర్లు వెళ్లినప్పుడు తాళాలు వేసి ఉండటంతో మరోసారి సర్వే చేయాలని ముఖ్యమంత్రి రేవంత్ రెడ్డి నిర్ణయించారు. ఈ మేరకు 16వ తేదీ నుంచి సర్వే ప్రారంభమయింది.