సినిమా సీన్ తరహాలో.. డాక్టర్ ను అక్కడిక్కడే సస్పెండ్ చేసిన ఆరోగ్యమంత్రి హరీశ్ రావు

ఆరోగ్య మంత్రి హరీశ్ రావు కొండాపూర్ ఏరియా ఆసుపత్రి ఆకస్మిక సందర్శన చేపట్టారు. డ్రైవింగ్ లైసెన్స్ ఫిట్నెస్ సర్టిఫికేట్ కొరకు డాక్టర్ మూర్తి డబ్బులు అడిగారని బాధితుల ఫిర్యాదు చేయడంతో అక్కడిక్కడే సస్పెన్షన్ వేటు వేశారు. గైనకాలజి వార్డులో ప్రతి రోజూ స్కానింగ్ నిర్వహించాలని.. అదంగా రెండు అల్ట్రా సౌండ్ మిషన్లు పంపుతామని మంత్రి హామీ ఇచ్చారు. గైనకాలజి వార్డులో సదుపాయాలను పరిశీలించడమే కాకుండా.. 60శాతం పైగా సాధారణ డెలివరీలు కావడం పట్ల మంత్రి సంతృప్తి వ్యక్తం చేశారు. ఇంకా పెంచాలని సూచించారు. ఆసుపత్రిలో తిరుగుతూ వైద్య సేవలు ఎలా అందుతున్నాయి, సదుపాయాలు ఎలా ఉన్నాయి అని పేషెంట్లను అడిగి తెలుసుకున్నారు.