హైదరాబాద్ లో భారీ వర్షం.. సీతాఫల్ మండిలో 7.2సె.మీ వర్షపాతం

అత్యధికంగా సికింద్రాబాద్ లోని సీతాఫల్ మండి లో 7.2 సెంటీమీటర్ల వర్షపాతం నమోదు కాగా.. బంసిలాల్ పేట్ లో 6.7 సెంటీమీటర్లు, వెస్ట్ మారేడ్ పల్లిలో లో 6.1 సెంటీమీటర్లు, అల్వాల్లో 5.9 సెంటీమీటర్లు, ఎల్బీ నగర్ లో 5.8 సెంటీమీటర్లు, గోషామహల్ బాలానగర్ లో 5.4 సెంటీమీటర్లు, ఏఎస్ రావు నగర్ లో 5.1 సెంటిమీటర్లు, బేగంపేటలోని పాటిగడ్డ లో 4.9 సెంటీమీటర్లు, మల్కాజ్గిరిలో 4.7 సెంటీమీటర్లు, సరూర్ నగర్ ఫలక్నామా లో 4.6 సెంటి మీటర్లు, గన్ ఫౌండ్రీ లో 4.4 సెంటీమీటర్లు, కాచిగూడ , సికింద్రాబాద్ లో 4.3 సెంటీమీటర్లు, చార్మినార్ లో 4.2 సెంటీమీటర్లు, గుడిమల్కాపూర్ నాచారం లో 4.1 సెంటి మీటర్లు, అంబర్పేట్ లో 4 సెంటీమీటర్లు, అమీర్ పేట్, సంతోష్ నగర్ లో 3.7 సెంటీమీటర్లు, ఖైరతాబాద్ లో 3.6 సెంటీమీటర్లు బేగంబజార్ ,హయత్ నగర్ చిలకనగర్ లో 3.5 సెంటీమీటర్ల వర్షపాతం నమోదైనట్లు హైదరాబాద్ వాతావారణ కేంద్రం వెల్లడించింది.

కాగా.. భారీ వర్షం కారణంగా పలు ప్రాంతాల్లో విద్యుత్ సరఫరా నిలిచిపోయింది. దిల్ సుఖ్ నగర్, చైతన్యపురి, కొత్తపేట ప్రాంతాల్లో కరెంట్ సేవలు నిలిచిపోయాయి. పంజాగుట్ట జంక్షన్ వద్ద నీరు భారీగా స్తంభించిపోయి ట్రాఫిక్ కు అంతరాయం కలిగింది. భారీ వర్షం కారణంగా రోడ్లన్నీ నదులను తలపిస్తున్నాయి. ఉపరితల ఆవర్తన ద్రోణి కారణంగా వర్షాలు కురుస్తున్నాయని, రాష్ట్రంలోని పలు ప్రాంతాల్లో ఈ రోజు వర్షాలు కురుస్తాయని వాతావరణ కేంద్రం పేర్కొంది.