పాపం వాళ్లు ఎన్నో ఇబ్బందులు పడుతున్నారు: బండి సంజయ్

సాంఘిక సంక్షేమ రెసిడెన్షియల్, గురుకుల విద్యాసంస్థల్లో పనిచేస్తున్న సిబ్బందికి సరైన సౌకర్యాలు కల్పించాలని కేంద్ర హోంశాఖ సహాయ మంత్రి బండి సంజయ్ కుమార్ తెలంగాణ ముఖ్యమంత్రి ఎ.రేవంత్ రెడ్డిని కోరారు. ఉదయం 5 గంటల నుంచి రాత్రి 9 గంటలకు పనులు చేస్తున్నారని.. దీనివలన ఉపాధ్యాయులు, ఇతర ఉద్యోగులు ఇబ్బందులు పడుతున్నారని ఆ లేఖలో తెలిపారు. సమయపాలన అశాస్త్రీయంగా ఉందని, సిబ్బంది ఒత్తిడికి లోనవుతున్నారని, ఫలితంగా ఆరోగ్య సమస్యలు తలెత్తుతున్నాయని వివరించారు.