Tiger : పులి అక్కడే తిరుగుతుంది.. మరో జీవిని బలితీసుకుందిగా

అటవీ శాఖ అధికారులు పులిని బంధించేందుకు అనేక ఏర్పాట్లు చేస్తున్నా ఫలితం లేదు. వారికి చిక్కడం లేదు. డ్రోన్ కెమెరాలకు కూడా పులి జాడ కనిపించడం లేదు. అయితే ఈ సీజన్ లో పులి కొంత అగ్రెస్సివ్ గా ఉంటుందని, అది కనిపించిన వాటిపై దాడి చేసి చంపేస్తుందని అటవీ శాఖ అధికారులు చెబుతున్నారు. పులి మరో దానితో కలవడం కోసం తిరుగుతుందని, కొన్ని వందల కిలోమీటర్ల దూరం ప్రయాణించి వచ్చి ఇక్కడకు చేరుకుందని తెలిపారు. ఈ సీజన్ లో పులి అలాగే ప్రవర్తిస్తుందని అటవీ శాఖ అధికారులు చెబుతున్నారు.

పులి అక్కడే సంచరిస్తుండటంతో పాటు చీలపల్లిలో గేదెపై దాడి చేసిన ఘటన మరింత కలవరానికి గురి చేస్తుంది. ఆ ప్రాంతాన్ని అటవీ శాఖ అధికారులు పరిశీలించి పులి పాదముద్రలను గుర్తించారు. డోన్ కెమెరాలకు, ట్రాకింగ్ కెమెరాలకు కూడా చిక్కకుండా పులి తప్పించుకుని తిరుగుతుంది. ఎనిమిది రోజుల నుంచి అటవీ శాఖ అధికారులకు కంటి మీద కునుకు లేకుండా చేస్తుంది. పులి అక్కడే సంచరిస్తుండటంతో గ్రామస్థులు భయంతో వణికిపోతున్నారు. మరోవైపు అప్రమత్తంగా ఉండాలని ప్రజలను అధికారులు హెచ్చరిస్తున్నారు. పొలాలకు వెళ్లవద్దని అధికారులు ఇప్పటికే అధికారులు ఆదేశాలు జారీ చేశారు. పులి ఎప్పుడు దొరుకుతుందా? అని ఇంటికే ప్రజలు పరిమితమయ్యారు.