Ponguleti : పొంగులేటి చెప్పినట్లుగానే... ఆయన ఇంటిపై ఐటీ దాడులు

ఖమ్మం జిల్లా పాలేరు నియోజకవర్గం కాంగ్రెస్ అభ్యర్థి పొంగులేటి శ్రీనివాసరెడ్డి ఇంటిపై ఆదాయపు పన్ను శాఖ అధికారులు దాడులు నిర్వహిస్తున్నారు. ఆయన ఇల్లు, కార్యాలయాల్లో ఏకకాలంలో ఈ దాడులు జరుగుతున్నాయి. ఈరోజు తెల్లవారు జామున వచ్చిన ఆదాయపు పన్ను శాఖ అధికారులు ఈ సోదాలను నిర్వహిస్తున్నారు. పొంగులేటి ఇంట్లోకి ఎవరిని అనుమతించడం లేదు. ఇంట్లో సిబ్బంది ఫోన్లను కూడా స్వాధీనం చేసుకున్నారు. మొత్తం ఎనిమిది వాహనాల్లో వచ్చిన అధికారులు ఈ సోదాలు నిర్వహిస్తున్నారు. ఆయన ఈరోజు పాలేరులో నామినేషన్ వేయనున్న సందర్భంలో ఈ దాడులు జరుగుతుండటం విశేషం.