Rain Alert : మరో మూడు రోజులు భారీ వర్షాలు.. హై అలెర్ట్

కొన్ని జిల్లాలకు వాతావరణ శాఖ ఎల్లో అలెర్ట్ జారీ చేసింది. వాగులు, వంకలు దాటే ప్రయత్నం చేయవద్దంటూ వాతావరణ శాఖ తన ఉత్తర్వుల్లో పేర్కొంది. భారీ వర్షాల కారణంగా వాగులు, వంకలు ఉప్పొంగి ప్రవహించే అవకాశముందని హెచ్చరిక జారీ చేసింది. ఈరోజు నిర్మల్, ఆదిలాబాద్, ఆసిఫాబాద్, భూపాలపల్లి, కొత్తగూడెం, ములుగు జిల్లాల్లో అక్కడ భారీ వర్షాలు కురుస్తాయని తెలిపింది. రేపు కూడా అనేక జిల్లాల్లో భారీ వర్షాలు కురిసే అవకాశముందని పేర్కొంది. ఈ నెల 23వ తేదీ వరకూ హైదరాబాద్ లో భారీ వర్షాలు కురిసే అవకాశమున్నందున అధికారులు అప్రమత్తమయ్యారు. వాహనదారులు అప్రమత్తంగా ఉండాలని సూచిస్తున్నారు. ఇటీవల కొద్ది రోజుల పాటు ఎండ కాయడంతో కొంత ఊపిరిపీల్చుకున్న ప్రజలకు మళ్లీ వాతావరణ శాఖ హెచ్చరికతో ప్రజలు ఆందోళన చెందుతున్నారు. అయితే ముందు జాగ్రత్త చర్యలన్నీ ప్రభుత్వం తీసుకుంటుందని, ఎలాంటి ఇబ్బందులు పడవద్దని అధికారులు చెబుతున్నారు. మరో మూడు రోజుల పాటు తెలంగాణలో కొన్ని ప్రాంతాల్లో కుండపోత వర్షం కురిసే అవకాశముంది.