Revanth Reddy : రేవంత్ ఒంటరి పోరు ఇంకా ఎన్నాళ్లు?

ఎవరో ఒకరిద్దరు స్పందించినా వారి మాటలు మాత్రం జనంలోకి వెళ్లడం లేదు. ప్రత్యర్థులు చేసిన విమర్శలే ఎక్కువ హైలెట్ అవుతున్నాయి. ముఖ్యంగా హైదరాబాద్ సెంట్రల్ యూనివర్సిటీ భూముల విషయంలో పెద్దయెత్తున భూ కుంభకోణం జరిగిందని, దాదాపు పదివేల కోట్ల రూపాయల డీల్ జరిగిందంటూ బీఆర్ఎస్ నేత కేటీఆర్ చేసిన ఆరోపణలకు కాంగ్రెస్ నుంచి సరైన కౌంటర్ రాలేదు. గతంలో కేసీఆర్ హయాంలో ప్రజల నుంచి ఎటువంటి ఆందోళన తలెత్తినా ఊరుకునే వారు కారు. గొంతెత్తితే కేసులు నమోదు చేసేవారు. కనీసం ధర్నా చౌక్ లో ఆందోళన చేసుకునేందుకు కూడా వీలుండేది కాదు. అదే సమయంలో పౌరహక్కుల సంఘాలతో పాటు పార్టీ నేతలతో భేటీ అయ్యే వారు కాదు.

కానీ కాంగ్రెస్ అధికారంలోకి వచ్చిన తర్వాత తీసుకున్న నిర్ణయాలను వెనక్కు తీసుకుంటున్నా తెలంగాణాలో మేధావులతో పాటు ప్రజాసంఘాల అభిప్రాయాలను కూడా తెలుసుకునే ప్రయత్నం ఈ ప్రభుత్వం చేస్తుందని ప్రజల్లోకి బలంగా తీసుకెళ్లలేకపోతున్నారు. ముఖ్యంగా మంత్రి పదవులు రాలేదని కొందరు. కేబినెట్ లో ఉండి కూడా నామమాత్రంగా మరికొందరు ప్రేక్షకపాత్ర పోషిస్తుండటంతో రేవంత్ కు మద్దతుగా నిలిచేవారు కరువయ్యారు. దీనికి తోడు బీఆర్ఎస్ సోషల్ మీడియాతో పోటీగా కాంగ్రెస్ సోషల్ మీడియా బలహీనంగా ఉందని గత కొద్ది రోజులుగా పరిశీలిస్తే అర్ధమవుతుంది. మొత్తం మీద రేవంత్ రెడ్డిపై చేస్తున్న విమర్శలకు దీటుగా సమాధానం చెప్పలేక కాంగ్రెస్ తన గొయ్యిని తానే తవ్వుకున్నట్లు కనిపిస్తుంది. ఇప్పటికైనా నేతల తీరు మారాలని పార్టీ అభిమానులు కోరుకుంటున్నారు.