ఆఫీసు లోపలికి వచ్చినా హెల్మెట్లను తీయలేరు

బీర్‌పూర్‌ మండలంలో ఎంపీడీఓ కార్యాలయంలో విధులు నిర్వహించే సమయంలో అధికారులు హెల్మెట్ ధరించడం ద్వారా తమను తాము రక్షించుకుంటూ ఉన్నారు. నాసిరకం భవనాలతో తమకు ముప్పు పొంచి ఉందని.. తమ జీవితాలను పణంగా పెట్టి ఉద్యోగం చేయలేమంటూ ఇలా హెల్మెట్లతో ఆఫీసుకు వచ్చారు. గతంలోనే కార్యాలయంలో కొంతభాగం కూలిపోయింది. ఇటీవల కురిసిన వర్షాలకు పైకప్పు ఏ క్షణంలో కూలుతుందో తెలియని పరిస్థితి కావడంతో కార్యాలయంలో పనిచేయడానికి వచ్చే ఉద్యోగులు హెల్మెట్లు పెట్టుకుంటూ ఉన్నారు. అక్కడి నుండి ఎంపీడీవో కార్యాలయాన్ని మార్చాలని ఉద్యోగులు ప్రజాప్రతినిధులకు, అధికారులకు ఎన్నిసార్లు విజ్ఞప్తి చేసినా పట్టించుకోవడం లేదని వాపోతున్నారు.