కేసీఆర్ ఆరోగ్యంపై కేటీఆర్, హరీష్ రావు కీలక వ్యాఖ్యలు

కేసీఆర్ కుమారుడు, మాజీ మంత్రి కేటీఆర్ స్పందించారు. కేసీఆర్ గారు బాత్రూంలో జారిపడ్డారని, ఆయనకు వైద్యులు ఇవాళ తుంటి ఎముక మార్పిడి శస్త్రచికిత్స నిర్వహిస్తున్నారని కేటీఆర్ తెలిపారు. కేసీఆర్ గారు త్వరగా కోలుకోవాలని సందేశాలు పంపుతున్న వారందరికీ కృతజ్ఞతలు తెలుపుకుంటున్నామని తన ట్వీట్ లో పేర్కొన్నారు. మాజీ మంత్రి హరీష్ రావు యశోద ఆసుపత్రి వద్ద మీడియాతో మాట్లాడుతూ కింద పడటంతో కేసీఆర్ గారికి తుంటి ఎముక విరిగిందని తెలిపారు. ఈ సాయంతం వైద్యులు కేసీఆర్ గారికి శస్త్ర చికిత్స చేస్తారని అన్నారు. కార్యకర్తలు ఎవరూ ఆసుపత్రి వద్దకు రావద్దని.. కేసీఆర్ గారి ఆరోగ్యం కోసం అందరూ మీ ఇంటి వద్దనే ప్రార్ధన చేయాలని పిలుపునిచ్చారు. కేసీఆర్ కోలుకోవడానికి 6 నుంచి 8 వారాల సమయం పడుతుందని వైద్యులు చెప్పారన్నారు.