ఈ మూడు రోజుల్లో తెగ తాగేశారు

నూతన సంవత్సర వేడుకల సందర్బంగా మద్యం అమ్మకాల్లో తెలంగాణ సరికొత్త రికార్డును సృష్టించింది. డిసెంబర్ 31న 19 ప్రభుత్వ డిపోల నుంచి లక్ష 30 వేల కేసుల లిక్కర్, లక్ష 35 వేల కేసుల బీర్ అమ్మకాలు జరిగాయని తెలిపారు. ఒక్కరోజే తెలంగాణ ప్రభుత్వానికి రూ.125 కోట్ల ఆదాయం సమకూరింది. డిసెంబర్ 31 ఆదివారం కావడంతో మధ్యాహ్నం నుంచే వైన్స్‌ల వద్ద రద్దీ కనిపించింది. మూడు రోజుల్లో లిక్కర్ అమ్మకాలు ఆకాశాన్నంటాయి. డిసెంబర్ 29, 30, 31వ తేదీల్లో రూ.658 కోట్ల లిక్కర్ అమ్మకాలు జరిగాయి. మొత్తంగా 3 రోజుల్లో 4.76 లక్షల లిక్కర్ కేసులు, 6.31 లక్షల బీర్‌ కేసులు అమ్ముడయ్యాయి.