పందికొవ్వుతో వంటనూనె.. రోజూ ఎంతో ఇష్టంగా తినే ఆహారంలో వాడేస్తున్నారు

ఇన్ స్పెక్టర్ రాములు తెలిపిన వివరాల ప్రకారం.. నేరేడ్ మెట్ పరిధిలోని ఆర్కేపురంలో నివాసం ఉండే రమేశ్ శివ (24) తన నివాసంలో కొన్నేళ్లుగా పంది కొవ్వుతో నూనెల్ని తయారు చేసి.. దానిని ఫ్రైడ్ రైస్ దుకాణాలకు విక్రయిస్తున్నట్లు గుర్తించారు. పందిమాంసం విక్రయించే వారి నుంచి కొవ్వును సేకరించి.. దానిని వేడి చేసి, వివిధ రసాయనాలు కలిపి తీసిన నూనెను రోడ్ల పక్కన ఉండే ఫ్రైడ్ రైస్ దుకాణదారులకు తక్కువ ధరకు విక్రయిస్తూ లబ్ధిపొందినట్లు పోలీసులు తెలిపారు. రమేశ్ పై తమకు సమాచారం అందగా.. నివాసంపై ఆకస్మికదాడులు చేసి సోదాలు చేయగా.. పందికొవ్వుతో నూనె తయారు చేస్తున్నట్లు తేలిందన్నారు. నిందితుడిని అరెస్ట్ చేసి నేరేడ్ మెట్ పోలీస్ స్టేషన్ కు తరలించారు. ఇలా ప్రజల ఆరోగ్యాలతో చెలగాటమాడే.. జంతువుల కొవ్వుతో తయారు చేసిన నూనెలను వాడే వారిపైనా చర్యలు తీసుకుంటామన్నారు.