మెడికో ప్రీతికి బ్రెయిన్ డెడ్.. వైద్యుల కీలక ప్రకటన

కళాశాలలో వేధింపులు భరించలేక వరంగల్ పీజీ వైద్య విద్యార్థిని ప్రీతి అత్యధిక డోస్ లో అనస్థీషియా తీసుకుని ఆత్మహత్యాయత్నానికి పాల్పడిన విషయం తెలిసిందే. హైదరాబాద్ నిమ్స్ లో చికిత్స పొందుతున్న.. ఆమె ఆరోగ్య పరిస్థితిపై తండ్రి మీడియాతో మాట్లాడారు. ప్రీతి కోలుకుంటుందన్న నమ్మకం లేదని వైద్యులు తెలిపారన్నారు. ఆమె బ్రెయిన్ డెడ్ అయిందని చెబుతున్నారని తీవ్ర విచారం వ్యక్తం చేశారు. తన కూతురు బ్రతికి.. మళ్లీ తిరిగివస్తుందన్న ఆశలు లేవన్నారు. మొదటిరోజుతో పోలిస్తే ఇంకా పరిస్థితి ఇంకా క్షీణించిందని చెప్పారు. తన కూతురికి ఈ పరిస్థితి రావడానికి కారణమైన సైఫ్ ను కఠినంగా శిక్షించాలని ఆయన మీడియా ముఖంగా ప్రభుత్వానికి విజ్ఞప్తి చేశారు. మరోవైపు మంత్రి ఎర్రబెల్లి సైతం ప్రీతి బ్రతుకుతుందన్న నమ్మకం ఒక్కశాతం మాత్రమే ఉన్నట్లు చెప్పారు. దీంతో విద్యార్థుల్లో ఆందోళన మొదలైంది.