సీఎం కేసీఆర్‌ ఆలోచనలు కేంద్రానికి మార్గదర్శకం: కేటీఆర్

అంతర్జాతీయ స్థాయిలో టెక్స్‌టైల్‌ పార్కు ఉండబోతోందని.. జిల్లాకు మరిన్ని పరిశ్రమలు తెస్తామన్నారు మంత్రి కేటీఆర్. ఇప్పటికే గణేశా కంపెనీ రూ.600 కోట్లు పెట్టుబడి పెట్టిందన్నారు. కంపెనీలో వెయ్యి మందికి ఉద్యోగాలు వచ్చాయని తెలిపారు. యంగ్‌ వన్‌ కంపెనీ మొత్తం 11 పరిశ్రమలు ఏర్పాటు చేస్తుందని చెప్పారు. దీని ద్వారా వేల ఉద్యోగావకాశాలు కలుగుతాయన్నారు. వరంగల్‌ జిల్లాలో వచ్చే మూడు కంపెనీల వల్ల 33 వేల మందికి ఉద్యోగాలు వస్తున్నాయని చెప్పారు. ఉద్యోగాల్లో మహిళలకు ప్రాధాన్యం ఇస్తామన్నారు. పీఎం మిత్ర పథకానికి కాకతీయ మెగా టెక్స్‌టైల్‌ పార్కు మోడల్‌గా మారిందని కేటీఆర్‌ చెప్పారు. సీఎం కేసీఆర్‌ ఆలోచనలు కేంద్రానికి మార్గదర్శకం అయ్యాయని తెలిపారు. ఐదేండ్లు మీ కోసం కష్టపడ్డామని, ఇప్పుడు మీరు మాకు అండగా ఉండాలన్నారు. పరకాలలో ధర్మారెడ్డిపై పోటీచేయాలంటే ప్రతిపక్షాలు భయపడుతున్నాయని, నియోజకవర్గాలు మార్చుకుని మరీ వేరేచోటకు వెళ్లిపోతున్నారని చెప్పారు.