పొన్నాల ఇంటికి వెళ్లిన మంత్రి కేటీఆర్

శుక్రవారం నాడు మంత్రి కేటీఆర్ మాట్లాడుతూ.. పొన్నాల మా పార్టీలోకి వస్తానంటే సంతోషం. రేపే ఆయన ఇంటికి వెళ్తానన్నారు. నేనే ఆయన్ని దగ్గరుండి పార్టీలోకి ఆహ్వానిస్తానని కేటీఆర్‌ చెప్పారు. ఈ నెల 16వ తేదీన పొన్నాల కేసీఆర్‌ సమక్షంలో బీఆర్‌ఎస్‌లో చేరబోతున్నారని ప్రచారం సాగుతోంది. కాంగ్రెస్ సీనియర్ నేత పొన్నాల లక్ష్మయ్య ఆ పార్టీకి గుడ్ బై చెప్పారు. తన రాజీనామా లేఖను కాంగ్రెస్ అధ్యక్షుడు మల్లిఖార్జున ఖర్గేకు పంపించారు. కాంగ్రెస్‌లో తనకు అవమానం జరిగిందని లేఖలో వివరించారు. 45 ఏళ్ల రాజకీయ జీవితం నాది. పేద కుటుంబం నుంచి ఈ స్థాయికి వచ్చా. 45 ఏళ్ల తర్వాత తీసుకున్న ఈ నిర్ణయం బాధాకరంగా ఉందని అన్నారు.