Revanth Reddy : బీజేపీతో బీఆర్ఎస్ చీకటి ఒప్పందం అందుకే

ఐదు స్థానాల్లో బీజేపీని గెలిపించేందుకు బీఆర్ఎస్ సహకరిస్తుందని పీసీసీ చీఫ్ రేవంత్ రెడ్డి అన్నారు. మల్కాజ్ గిరి ఎన్నికల ప్రచారంలో ఆయన పాల్గొన్నారు. పదేళ్లు పాలించిన బీజేపీ ఒక్క హామీని కూడా అమలు పర్చలేదన్నారు. కేసీఆర్ బీజేపీతో కుమ్మక్కయ్యారన్నారు. తన బిడ్డను జైలు నుంచి బయటకు తెచ్చుకునేందుకు బీజేపీతో లోపాయికారీ ఒప్పందం కుదుర్చుకున్నారన్నారు. మోదీ ప్రభుత్వం ఈ దేశానికి చేసిందేమీ లేదని, తప్పుడు వాగ్దానాలు చేస్తూ మరొక సారి అధికారంలోకి రావాలని ప్రయత్నిస్తున్నారన్నారు. మల్కాజ్ గిరి ప్రజలు కేసీఆర్ తో కొట్లాడే ధైర్యం ఇచ్చారన్నారు. ఆ ధైర్యంతోనే దిగి తాను నేడు ముఖ్యమంత్రిని అయ్యానని అన్నారు.