కేసీఆర్ నమ్మక ద్రోహి... రేవంత్ ఫైర్

హైదరాబాద్ : కేసీఆర్ కంటే ముందు కాంగ్రెస్ తెలంగాణ ఉద్యమాన్ని మొదలుపెట్టిందని పీసీీసీ చీఫ్ రేవంత్ రెడ్డి అన్నారు. కాంగ్రెస్ అంతకు ముందే 42 మంది ఎమ్మెల్యేలు సంతకాలు చేసి తెలంగాణ ఇవ్వాలని హైకమాండ్ కు లేఖ పంపారని ఆయన గుర్తు చేశారు. తెలంగాణ రాష్ట్రం ఇచ్చింది సోనియా గాంధీ అని, కానీ కేసీఆర్ తన రాజకీయ ప్రయోజనాల కోసం ప్రజలను మభ్య పెట్టి ముఖ్యమంత్రి అయ్యారని రేవంత్ రెడ్డి అన్నారు. యూత్ కాంగ్రెస్ కార్యకర్తలను ఉద్దేశించి రేవంత్ రెడ్డి మాట్లాడారు. గాంధీ భవన్ లో యూత్ కాంగ్రెస్ నేతలు నిరుద్యోగ నిరసన దీక్షను ప్రారంభించారు.