Ration Cards : ఉగాది పండగకు పేదలకు నిరాశేనా? రేషన్ కార్డులు అందేదెప్పుడు?

తెలంగాణలోని ప్రభుత్వం అందించే ఆరు గ్యారంటీకు తెలుపు రంగు రేషన్ కార్డు కావాల్సి ఉండటంతో పాటు సన్న బియ్యం తమకు అందుతుందని, తమకు కూడా పండగ జరుపుకోవాలని ఉంటుందని ప్రభుత్వానికి తెలియదా? అని ప్రశ్నిస్తున్నారు. తెలుపు రంగు రేషన్ కార్డు అవసరం అని భావించి ప్రజలు ఎక్కువ మంది దరఖాస్తు చేసుకున్నారు. ఇప్పటికే దరఖాస్తుల వడపోత ప్రారంభించిన అధికారులు త్వరలో రేషన్ కార్డులు ఇస్తామని చెబుతున్నప్పటికీ ఇప్పటి వరకూ చేతికి అందకపోవడంతో అనేక మంది నిరాశకు లోనవుతున్నారు. రెండు వందల యూనిట్ల వరకూ ఉచిత విద్యుత్తు, ఐదు వందల రూపాయలకే గ్యాస్ సిలిండర్ కూడా ఈ కార్డుతోనే లభించనున్నా

కొత్త రేషన్ కార్డులను ఈ నెల 26వ తేదీ నుంచి జారీ చేయడం ప్రారంభిస్తామని చెప్పినా అనేక కారణాల వల్ల అది సాధ్యపడలేదు. నేటి వరకూ తెలంగాణలో దాదాపు పది లక్షల కు పైగానే కొత్తగా రేషన్ కార్డులు మంజూరు చేయాలని ప్రాధమికంగా అధికారులు నిర్ణయించినట్లు తెలిసింది. గత ఏడాది నిర్వహించిన సమగ్ర కుటుంబ సర్వే ఆధారంగా కార్డులను జారీ చేసే ప్రక్రియ ప్రారంభిస్తామని ప్రభుత్వం చెప్పింది. తెలుపు రంగు కార్డు కోసం దరఖాస్తు చేసుకున్న వారి సంఖ్య ఎక్కువగా ఉండటంతో అధికారులు ఏం చేయాలో తెలియక జారీ చేయడలో జాప్యం చేస్తున్నారన్న విమర్శలు వినిపిస్తున్నాయి.ఉగాది పండగ నాటికైనా రేషన్ కార్డు ఇచ్చి తమకు తీపి కబురు అందించాలని పేద ప్రజలు కోరుతున్నారు.