ఆయనకు అన్యాయం.. ఇక్కడేమో సోనియా గాంధీ దయ

తెలంగాణ ఎన్నికల ప్రచారానికి ఎండ్ కార్డు పడుతున్న సమయంలో పలు పార్టీల అగ్రనేతలు రాష్ట్రానికి చేరుకున్నారు. ఏఐసీసీ అగ్రనాయకురాలు ప్రియాంకగాంధీ చేసిన వ్యాఖ్యలపై కేటీఆర్ స్పందించారు. దివంగత పీవీ నరసింహారావు అంటే సోనియాగాంధీకి అభిమానమని ప్రియాంకగాంధీ చెప్పారు. దీనిపై కేటీఆర్ మాట్లాడుతూ... పీవీ నరసింహారావుకు కాంగ్రెస్ పార్టీ చేసిన అన్యాయం గురించి ప్రియాంక గాంధీకి తెలియకపోవడం నిజంగా దురదృష్టకరమన్నారు. పీవీకి కాంగ్రెస్ తీవ్ర అన్యాయం చేసిందని, అవమానించిందన్నారు. మనమంతా అభిమానించే వ్యక్తి పీవీ, తన జీవితమంతా కాంగ్రెస్ పార్టీ కోసం సేవ చేసిన వ్యక్తిని కాంగ్రెస్ పార్టీ దారుణంగా అవమానించిందన్నారు. 1996లో సిట్టింగ్ ప్రధానిగా ఉన్న పీవీ నరసింహారావుకు ఎంపీ టికెట్ నిరాకరించి, కాంగ్రెస్ ఘోరంగా అవమానించిందన్నారు.