Hyderabad Rain: హైదరాబాదీలు బీ అలర్ట్.. నేడు కూడా భారీ వర్షమే!!

తెలంగాణ రాష్ట్రంలోని వివిధ జిల్లాల్లో శుక్రవారం వరకు భారీ వర్షాలు కురిసే అవకాశం ఉందని వాతావరణ శాఖ అంచనా వేసింది. హైదరాబాద్‌లో గురువారం వరకు వర్షాలు లేదా ఉరుములతో కూడిన జల్లులు పడే అవకాశం ఉంది. IMD హైదరాబాద్ జారీ చేసిన పసుపు అలర్ట్ తెలంగాణ రాష్ట్రానికి జూలై 19 వరకు కొనసాగుతుంది. గత రాత్రి హైదరాబాద్‌లోనే కాకుండా తెలంగాణలోని పలు జిల్లాల్లో కూడా వర్షం కురిసింది. మంచిర్యాలలో అత్యధికంగా 159.3 మిల్లీమీటర్ల వర్షపాతం నమోదైంది. హైదరాబాద్‌లోని పలు ప్రాంతాల్లో ట్రాఫిక్ జాం ఏర్పడింది. నగరంలో అత్యధికంగా ఖైరతాబాద్‌లో 94.8 మిల్లీమీటర్ల వర్షపాతం నమోదైంది.