Sat Nov 23 2024 01:22:19 GMT+0000 (Coordinated Universal Time)
బీజేపీ మిషన్ తెలంగాణ.. రోడ్ మ్యాప్ ఇదే
తెలంగాణలో బీజేపీని బలోపేతం చేసేందుకు పది మాసాల రోడ్ మ్యాప్ ను నిర్ణయించుకున్నామని రాజ్యసభ సభ్యుడు లక్ష్మణ్ తెలిపారు
తెలంగాణలో బీజేపీని బలోపేతం చేసేందుకు పది మాసాల రోడ్ మ్యాప్ ను నిర్ణయించుకున్నామని రాజ్యసభ సభ్యుడు లక్ష్మణ్ తెలిపారు. వచ్చే ఎన్నికల్లో అధికారంలోకి రావడమే లక్ష్యంగా కార్యక్రమాలను రూపొందించుకున్నామని అన్నారు. ఆయన మీడియా సమావేశంలో మాట్లాడుతూ జనవరి నెల నుంచి రాష్ట్ర వ్యాప్తంగా పదివేల చిన్న సభలను ఏర్పాటు చేయాలని నిర్ణయించామని లక్ష్మణ్ చెప్పారు. ఫిబ్రవరి 15వ తేదీ నుంచి అసెంబ్లీ నియోజకవర్గం స్థాయిలో సమావేశాలు ఏర్పాటు చేసుకుంటామని తెలిపారు.
కల్వకుంట్ల కుటుంబాన్ని...
బీజేపీ మిషన్ తెలంగాణ కార్యక్రమాలను ఆయన వివరించారు. కేసీఆర్ హటావో - తెలంగాణ బచావో నినాదంతో ప్రజల ముందుకు వెళుతున్నామని తెలిపారు. మార్చి ఐదో తేదీ నుంచి జిల్లా స్థాయి సమావేశాలను నిర్వహించనున్నామని తెలిపారు. అనంతరం ఏప్రిల్ నెలలో ప్రభుత్వంపై ఛార్జిషీటును విడుదల చేయనున్నట్లు లక్ష్మణ్ తెలిపారు. కల్వకుంట్ల కుటుంబాన్ని అధికారం నుంచి సాగనంపేందుకు ప్రజలు సిద్ధంగా ఉన్నారని ఆయన అన్నారు.
Next Story
