కాంగ్రెస్ కు ప్రాధాన్యత పెంచింది నేనే: రేవంత్ రెడ్డి

టీపీసీసీ అధ్యక్షుడు రేవంత్ రెడ్డి మాట్లాడుతూ గత రెండేళ్లలో కాంగ్రెస్ పార్టీకి ప్రాధాన్యత చాలా పెరిగిందని.. నాయకులకు కాకుండా, పార్టీకి ప్రాధాన్యత పెరిగిందని అన్నారు. తాను పీసీసీ చీఫ్ అయిన తర్వాత ఎంతో మంది జాతీయ నేతలు తెలంగాణకు వస్తున్నారని.. గతంలో కాంగ్రెస్ నేతలు వేరే పార్టీల్లోకి వెళ్లే వారని, ఇప్పుడు ఇతర పార్టీల నుంచి కాంగ్రెస్ లోకి వస్తున్నారని చెప్పుకొచ్చారు. వైఎస్ రాజశేఖరరెడ్డి హయాంలో కమ్యూనిస్టులు గాంధీభవన్ కు వచ్చి చర్చలు జరిపేవారని, ఇప్పుడు తన హయాంలో మళ్లీ వస్తున్నారని అన్నారు. వేరే రాష్ట్రాల్లో ఎన్నికలు ఉన్నప్పటికీ అక్కడ సీడబ్ల్యూసీ సమావేశాలను పెట్టకుండా తెలంగాణకు అవకాశం ఇచ్చారని అన్నారు. రాష్ట్రానికి జాతీయ నాయకత్వం ఎంతో ప్రాధాన్యతను ఇస్తోందని అన్నారు రేవంత్ రెడ్డి.