Revanth Reddy : ప్రభుత్వం పడగొడతామన్న వాళ్లను చెప్పుతో కొట్టండి

కేసీఆర్ రాష్ట్రాన్ని అప్పుల మయం చేసి దోచుకున్న కాడికి దోచుకుని దిగిపోయాడన్న రేవంత్ రెడ్డి తాము ఈ ఆర్థిక పరిస్థితుల నుంచి బయట పడేందుకు శ్రమిస్తున్నామని తెలిపారు. ఎన్నికల సమయంలో ఇచ్చిన ఆరు గ్యారంటీలను ఖచ్చితంగా అమలు చేస్తామని తెలిపారు. సోనియా గాంధీ తెలంగాణ ఇచ్చిందని, అదే తెలంగాణను ఆ తల్లి సారథ్యం వహిస్తున్న కాంగ్రెస్ పార్టీయే చక్కదిద్దుతుందని ఆయన అన్నారు. రానున్న ఎన్నికల్లో తెలంగాణలో పథ్నాలుగు స్థానాల్లో కాంగ్రెస్ అభ్యర్థులను గెలిపించాలని రేవంత్ రెడ్డి కోరారు.

కేసీఆర్ ఏడు లక్షల కోట్ల అప్పు తన నెత్తిన పెట్టి వెళ్లారన్న రేవంత్ రెడ్డి ఆటో డ్రైవర్ల చేత అనవసరంగా ఆందోళనలు చేయిస్తూ తప్పుడు ప్రచారానికి దిగుతున్నారన్నారు. సంసారాన్ని చక్కదిద్దుకుంటూ ఒక్కో చిక్కుముడి విప్పుకుంటూ వెళుతున్నామని తెలిపారు. బీజేపీ కూడా తప్పుడు వాగ్దానాలను చేసిందని, అధికారంలోకి వచ్చిన వెంటనే ఉద్యోగాలిస్తామని చెప్పిన మోదీ ఏం ఇచ్చారంటూ ఆయన ప్రశ్నించారు. తెలంగాణ ప్రయోజనాలను బీజేపీ కాపాడలేకపోయిందన్నారు. బీఆర్ఎస్, బీజేపీలను రానున్న పార్లమెంటు ఎన్నికల్లో ఓడించాలని రేవంత్ రెడ్డి పిలుపు నిచ్చారు.