యాదవ సోదరులకు రేవంత్ గుడ్ న్యూస్
యాదవ సోదరులకు రేవంత్ గుడ్ న్యూస్ చెప్పారు. సదర్ సమ్మేళనం రాష్ట్ర ప్రభుత్వం అధికారికంగా నిర్వహిస్తుందన్నారు
యాదవ సోదరులకు రేవంత్ గుడ్ న్యూస్ చెప్పారు. హైదరాబాద్ నగర అభివృద్ధిలో యాదవ సోదరుల పాత్ర కాదనలేనిదని రేవంత్ రెడ్డి అన్నారు.నగరంలో సదర్ ఉత్సవాలు నిర్వహించడం రాష్ట్రానికి గర్వకారణమని తెలిపారు. హైదరాబాద్ ఎన్టీఆర్ స్టేడియంలో తెలంగాణ సదర్ సమ్మేళనంలో ముఖ్య అతిధిగా హాజరైన ముఖ్యమంత్రి రేవంత్ రెడ్డి మాట్లాడుతూ సదర్ సమ్మేళనం రాష్ట్ర ప్రభుత్వం అధికారికంగా నిర్వహిస్తుందని తాను ఆనాడే చెప్పానని అన్నారు. ఇక నుంచి ప్రతీ ఏటా సదర్ సమ్మేళనం అధికారికంగా నిర్వహించాలని, ఈ వేదిక నుంచి అధికారులకు ఆదేశాలు ఇస్తున్నానని రేవంత్ రెడ్డి తెలిపారు. దర్ అంటే యాదవుల ఖదర్ అని, దర్ సమ్మేళనాన్ని ప్రతీ గ్రామానికి తీసుకెళ్లాలన్నారు యాదవులు రాజకీయంగా ఎదగాలని అనిల్ కుమార్ యాదవ్ ను రాజ్యసభకు పంపించామని తెలిపారు. రాబోయే రోజుల్లో రాజకీయాల్లో యాదవ సోదరులకు సముచిత స్థానం కల్పిస్తామని తెలిపారు.
