బాసర ట్రిపుల్ ఐటీలో ఆందోళన

బాసర ట్రిపుల్ ఐటీలో విద్యార్థుల ఆందోళన కొనసాగుతూనే ఉంది. వైస్ ఛాన్సిలర్ జరిపిన చర్చలు విఫలమయ్యాయి. ఫుడ్ పాయిజన్ కావడంతో ఇటీవల అనేక మంది విద్యార్థులు అస్వస్థతకు గురయ్యారు. కొత్త టెండర్లను పిలవాలని, మెస్ ను కొత్త వారికి అప్పగించాలని విద్యార్థులు డిమాండ్ చేస్తున్నారు. అయితే దీనికి టెండర్ల ప్రక్రియను నిర్వహించాల్సి ఉంటుందని, వెంటనే సాధ్యం కాదని సహకరించి తరగతులకు హాజరు కావాలని వైస్ ఛాన్సిలర్ వెంకటరమణ ఎంత నచ్చ చెప్పినా విద్యార్థులు మాత్రం దిగిరాలేదు. వెంటనే మెస్ మేనేజ్ మెంట్ ను మార్చాల్సిందేనని పట్టుబట్టారు.