KCR : తెలంగాణ అసెంబ్లీ సమావేశాలకు దూరంగానే కేసీఆర్

తాను అసెంబ్లీకి వచ్చేది రానిది స్పష్టత చేయకపోవడంతో ఈ సమావేశాలకు కేసీఆర్ దూరంగా ఉండే అవకాశాలున్నాయని గులాబీ పార్టీ ఎమ్మెల్యేలు అభిప్రాయపడుతున్నారు. ముఖ్యమంత్రి రేవంత్ రెడ్డి పదే పదే కేసీఆర్ శాసనసభకు రావాలంటూ పిలుపు నిస్తున్నారు. అయితే కేసీఆర్ ఈ సమావేశాలకు కూడా దూరంగానే ఉండే అవకాశాలున్నాయి. ఆయన అసెంబ్లీకి రాదలచుకుంటే వస్తారని, లేదంటే లేదని ఎమ్మెల్యేలు చెబుతున్నారు. సంక్రాంతి తర్వాత జనంలోకి వెళ్లేందుకు కేసీఆర్ ప్లాన్ చేసుకుంటున్నారని చెబుతున్నారు. బడ్జెట్ సమావేశాలకు ఒక రోజు హాజరైన కేసీఆర్ తర్వాత ఎప్పుడు సమావేశాలు జరిగినా దూరంగానే ఉంటున్నారు.