మరోసారి కేంద్రంపై కేసీఆర్ ఫైర్

ధాన్యం కొనుగోళ్ల విషయంలోనూ కేంద్ర ప్రభుత్వం దారుణంగా విఫలమయిందని కేసీఆర్ ఆరోపించారు. దేశంలో సామాజిక, ఆర్థిక, విద్య, వైద్య రంగాల్లో మార్పులు రావాలని కేసీఆర్ ఆకాంక్షించారు. విభజన హామీల అమలుకు కూడా కేంద్ర ప్రభుత్వం ముందుకు రావడం లేదని, రాష్ట్రంపై కేంద్రం కక్ష సాధింపు ధోరణిని అవలంబిస్తుందని ఆయన ఫైర్ అయ్యారు. తెలంగాణకు మంజూరు అయిన ఐటీఐఆర్ ప్రాజెక్టు రాకుండా అడ్డుపడిందని చెప్పారు. నియోజకవర్గాలను పెంచాల్సి ఉన్నా కావాలని కాలయాపన చేస్తుందని కేసీఆర్ కేంద్ర ప్రభుత్వ వైఖరిని తప్పుపట్టారు. ఎఫ్ఆర్డీఎం నిబంధనలకు లోబడి రుణాలకు అనుమతించాలని కోరినా ఫలితం లేదన్నారు. ఇతర రాష్ట్రాలకు అనుమతి ఇచ్చి తెలంగాణపై వివక్షత ప్రదర్శిస్తుందని చెప్పారు.