Tue Nov 26 2024 22:22:09 GMT+0000 (Coordinated Universal Time)
ఢిల్లీలో సీఎం కేసీఆర్.. యాగం నేటి నుంచి
తెలంగాణ ముఖ్యమంత్రి కేసీఆర్ ఢిల్లీకి నిన్న చేరుకున్నారు. ఈరోజు బీఆర్ఎస్ పార్టీ కార్యాలయంలో జరిగే యాగంలో పాల్గొననున్నారు.
తెలంగాణ ముఖ్యమంత్రి కేసీఆర్ ఢిల్లీకి నిన్న చేరుకున్నారు. ఈరోజు బీఆర్ఎస్ పార్టీ కార్యాలయంలో జరిగే యాగంలో పాల్గొననున్నారు. రెండు రోజుల పాటు పార్టీ కార్యాలయంలో రాజశ్యామల యాగాన్ని నిర్వహించనున్నారు. పార్టీ కార్యాలయంలో ప్రత్యేకంగా యాగశాలను ఇప్పటికే నిర్మించారు. మూడు హోమగుండాలను ఏర్పాటు చేశారు. ఈరోజు ఉదయం 9 గంటలకు గణపతి పూజతో యాగం మొదలవుతుందని పార్టీ వర్గాలు వెల్లడించాయి. పన్నెండు మంది రుత్వికులు ఇప్పటికే ఢిల్లీకి చేరుకున్నారు.
మరో రెండురోజులు...
ఈరోజు, రేపు కూడా రాజశ్యామల యాగంలో కేసీఆర్ పాల్గొంటారు. మరో రెండు రోజుల పాటు కేసీఆర్ ఢిల్లీలో ఉండే అవకాశముంది. బీఆర్ఎస్ పార్టీ ఆవిర్భవించిన తర్వాత తొలిసారి కేసీఆర్ ఢిల్లీ వెళ్లడంతో ప్రాధాన్యత సంతరించుకుంది. ఈ పర్యటనలో కేసీఆర్ పలువురు రాజకీయ పార్టీల నేతలను కలుసుకునే అవకాశముందని తెలుస్తోంది. వారితో జాతీయ రాజకీయాలపై చర్చించనున్నారు.
Next Story
