11న కేసీఆర్ ఢిల్లీలో దీక్ష

ఏప్రిల్ నాలుగో తేదీన అన్ని మండల కేంద్రాల్లో దీక్షలు చేయాలని కేటీఆర్ క్యాడర్ కు పిలుపునిచ్చారు. ఏప్రిల్ 6వ తేదీన తెలంగాణలో ఉన్న నాలుగు జాతీయ రహదారులపై రాస్తారోకో నిర్వహించనున్నారు. ఏప్రిల్ 7వ తేదీన జిల్లా కేంద్రాలలో మంత్రులు, ఎమ్మెల్యేలు, ఎమ్మెల్సీలు ఆందోళనలకు దిగుతారని కేటీఆర్ చెప్పారు. ఏప్రిల్ 8వ తేదీన ప్రతి గ్రామంలో కేంద్ర ప్రభుత్వం దిష్టిబొమ్మను దహనం చేయాలని, ప్రతి రైతు ఇంటిపై నల్లజెండా ఎగురవేసి నిరసన తెలపాలన్నారు. ఏప్రిల్ 11వ తేదీన వరి ధాన్యాన్ని కొనుగోలు చేయాలని ముఖ్యమంత్రి కేసీఆర్ ఢిల్లీలో నిరసన దీక్షకు దిగుతారని చెప్పారు.