Revanth Reddy : సోనియా, రాహుల్ తో రేవంత్ భేటీ

తెలంగాణ ముఖ్యమంత్రి రేవంత్ రెడ్డి కాంగ్రెస్ పార్టీ అధినేత్రి సోనియా గాంధీతో సమావేశమయ్యారు. ఢిల్లీలో పర్యటనలో ఉన్న రేవంత్ రెడ్డి టెన్‌జన్‌పథ్ కు వెళ్లి సోనియాను కలిశారు. అక్కడే ఉన్న రాహుల్ తో కూడా ఆయన మాట్లాడారు. కాంగ్రెస్ ప్రభుత్వం తెలంగాణలో అధికారంలోకి వచ్చిన వందరోజుల సమయంలో ప్రజలకు ఇచ్చిన హామీలను ఏమేమి అమలు చేసిందీ వారికి రేవంత్ రెడ్డి వివరించినట్లు తెలిసింది. రాష్ట్ర ప్రభుత్వం ఆర్థికంగా ఇబ్బందులు ఎదుర్కొంటున్నప్పటికీ ప్రజలకు ఇచ్చిన మాటకు కట్టుబడి వాటిని అమలు చేస్తున్నామని ఈ సందర్భంగా రేవంత్ వారితో చెప్పినట్లు సమాచారం.