ఆ రెండు స్థానాల నుండి పోటీ చేయనున్న కేసీఆర్

తెలంగాణ సీఎం కేసీఆర్ రెండు స్థానాల నుండి పోటీ చేయనున్నారు. తాజాగా 115 మంది అభ్యర్థుల జాబితాను సీఎం కేసీఆర్ విడుదల చేశారు. అభ్యర్థుల జాబితాలో స్వల్ప మార్పులున్నాయని .. ఏడు సిట్టింగ్ లలో మార్పు చేసినట్టుగా సీఎం కేసీఆర్ చెప్పారు.గజ్వేల్‌, కామారెడ్డి స్థానాల్లో తాను పోటీ చేయనున్నట్లు సీఎం చెప్పారు. మంచి ముహూర్తం ఉండటంతో జాబితా ప్రకటించినట్లు తెలిపారు. కంటోన్మెంట్‌ సీటు సాయన్న కూతురు లాస్య నందితకు కేటాయించినట్లు వెల్లడించారు. కొన్ని కారణాలవల్ల ఏడుగురు సిట్టింగు అభ్యర్థులకు టికెట్‌ నిరాకరించినట్లు సీఎం చెప్పారు. వైరా, ఆసిఫాబాద్‌, బోథ్‌, ఉప్పల్‌ స్థానాల్లో అభ్యర్థులను మార్చినట్లు కేసీఆర్ చెప్పారు.