Thu Nov 28 2024 20:33:09 GMT+0000 (Coordinated Universal Time)
ఇద్దరు ముఖ్యమంత్రుల కీలక భేటీ
తెలంగాణ సీఎం కేసీఆర్ ఈరోజు సాయంత్రం ఢిల్లీ వెళ్లనున్నారు. ఆయన ఈరోజు ఢిల్లీ ముఖ్యమంత్రి కేజ్రీవాల్ తో భేటీ కానున్నారు.
తెలంగాణ ముఖ్యమంత్రి కేసీార్ ఈరోజు సాయంత్రం ఢిల్లీ వెళ్లనున్నారు. ఆయన ఈరోజు ఢిల్లీ ముఖ్యమంత్రి కేజ్రీవాల్ తో భేటీ కానున్నారు. కేజ్రీవాల్ తో జాతీయ రాజకీయాలపై చర్చించనున్నారని తెలిసింది. ఇప్పటికే ముంబయి వెళ్లిన కేసీఆర్ మహారాష్ట్ర ముఖ్యమంత్రి ఉద్దవ్ థాక్రే, ఎన్సీపీ అధినేత శరద్ పవర్ తో భేటీ అయ్యారు. వారితో చాలా సేపు జాతీయ రాజకీయాలపై చర్చించారు. బీజేపీ విధానాలతో దేశం నాశనమయిపోతుందని కేసీఆర్ అభిప్రాయంతో వారు కూడా ఏకీభవించారు.
కేజ్రీవాల్ తో భేటీ....
ఈరోజు అరవింద్ కేజ్రీవాల్ తో కేసీఆర్ భేటీ కాబోతున్నారు. కేజ్రీవాల్ కూడా కాంగ్రెస్, బీజేపీలకు సమాన దూరాన్ని పాటిస్తున్నారు. ఆయన రెండు జాతీయ పార్టీలకు వ్యతిరేకంగా కూటమి ఏర్పడాలని భావిస్తున్నారు. ఇటు కేసీఆర్ కూడా అదే ఆలోచనతో ఉన్నారు. దీంతో వీరి భేటీ రాజకీయంగా ప్రాధాన్యత సంతరించుకుంది. ప్రస్తుతం కేసీఆర్ అసెంబ్లీ సమావేశాలపై అధికారులతో సమావేశాన్ని నిర్వహిస్తున్నారు. ఈ సమావేశం ముగిసిన తర్వాత కేసీఆర్ ఢిల్లీ పర్యటనపై అధికారిక ప్రకటన వెలువడనుంది.
Next Story
