Katamayya Raksha: తెలంగాణలో 'కాటమయ్య రక్ష' పథకం.. ఏమేమి అందిస్తారంటే!!

తెలంగాణ ముఖ్యమంత్రి రేవంత్ రెడ్డి నేడు రంగారెడ్డి జిల్లాలో పర్యటించనున్నారు. గౌడ్ కమ్యూనిటీకి చెందిన కల్లుగీత కార్మికులకు సేఫ్టీ కిట్‌లను పంపిణీ చేసేందుకు ముఖ్యమంత్రి ఎ.రేవంత్ రెడ్డి ఆదివారం 'కాటమయ్య రక్ష'ను ప్రారంభించనున్నారు. కల్లును తీసుకుని రావడం అత్యంత ప్రమాదకర వృత్తి, ప్రమాదవశాత్తూ చెట్లపై నుంచి పడి తీవ్ర గాయాలపాలైన కల్లుగీత కార్మికులు ప్రాణాలు కోల్పోయిన సంఘటనలు అనేకం ఉన్నాయి. అందుకే వారి సేఫ్టీ కోసం కిట్ ను అందించనుంది తెలంగాణ ప్రభుత్వం. రంగారెడ్డి జిల్లా అబ్దుల్లాపూర్‌‌మెట్ మండలం లష్కర్‌‌గూడ గ్రామంలో సీఎం రేవంత్‌రెడ్డి ఉదయం 11 గంటలకు ఈ కార్యక్రమంలో సీఎం రేవంత్ రెడ్డి పాల్గొననున్నారు. సుమారు 60 మంది గీత కార్మికులకు సీఎం చేతుల మీదుగా కిట్ల పంపిణీ జరగనుంది. గౌడన్నలతో సమావేశం అనంతరం అక్కడే వారితో కలిసి సీఎం సహపంక్తి భోజనం చేయనున్నారు.