Thu Nov 28 2024 20:35:38 GMT+0000 (Coordinated Universal Time)
నేడు మణుగూరులో రేవంత్
తెలంగాణ పీసీసీ అధ్యక్షుడు రేవంత్ రెడ్డి పాదయాత్ర ఖమ్మం జిల్లాలో జరుగుతుంది. నేడు మణుగూరుకు చేరుకోనుంది.
తెలంగాణ పీసీసీ అధ్యక్షుడు రేవంత్ రెడ్డి పాదయాత్ర ఖమ్మం జిల్లాలో జరుగుతుంది. నేడు పినపాక నియోజకవర్గంలో యాత్ర కొనసాగనుంది. నిన్న పాదయాత్రకు విరామం ప్రకటించిన రేవంత్ రెడ్డి స్థానిక నేతలతో సమావేశమై పార్టీ పరిస్థితులపై చర్చించారు. హాత్ సే హాత్ జోడో కార్యక్రమంలో భాగంగా రేవంత్ రెడ్డి పాదయాత్ర ప్రారంభించన సంగతి తెలిసిందే. ఈరోజు అశ్వాపురం నుంచి పాదయాత్ర ప్రారంభమయింది.
పాదయాత్ర ద్వారా...
రాత్రి బస నుంచి ప్రారంభమైన రేవంత్ రెడ్డి పాదయాత్ర ఈరోజు అశ్వాపురం, జగ్గారం, గోపాలపురం, మిట్టగూడెం, కల్యాణపురం గ్రామాల మీదుగా సాగనుంది. మధ్యాహ్నం మణుగూరు మండలం తోగ్గూడెంలోని సమ్మక్క సారలమ్మ దేవాలయానికి చేరుకుని ప్రత్యేక పూజలు నిర్వహిస్తారు. అక్కడే భోజన విరామానికి ఆగుతారు. భోజన విరామం అనంతరం సాయంత్రం నాలుగు గంటలకు తిరిగి పాదయాత్ర ప్రారంభమవుతుంది. సాయంత్రం నాలుగు గంటలకు మణుగూరుకు కు చేరుకుంటారు. అక్కడ బహిరంగ సభలో ప్రసంగిస్తారు.
Next Story
