బిడ్డకు పాలిస్తూ.. హార్ట్ అటాక్ తో చనిపోయిన మహిళ

వర్ధన్నపేట మండలం ఇల్లందు గ్రామానికి చెందిన సుస్మిత అనూహ్యంగా ప్రాణాలు కోల్పోయింది. ఆగస్టు13న ప్రసవం కోసం వరంగల్ సీకేఎం ఆస్పత్రిలో ఆమె చేరింది. ఆగస్టు16న ఆమె ఓ మగబిడ్డకు జన్మనిచ్చింది. శిశువుకు ఆరోగ్య సమస్యలు తలెత్తడంతో ఆసుపత్రిలోని నియోనాటల్ కేర్ యూనిట్ (SNCU)లో చేర్చారు. శిశువుకు అక్కడ చికిత్స చేయిస్తుండగా, సుస్మిత సీమాంక్ వార్డులో శిశువుకు పాలిచ్చేది. ఎప్పటిలాగే ఆగస్టు 18న తెల్లవారుజామున 4 గంటలకు ఎస్‌ఎన్‌సీయూలో బిడ్డకు పాలుపట్టింది. ఆ తర్వాత పక్క వార్డులో నిద్రిస్తున్న ఆమె ఉదయం 6 గంటలైనా లేవలేదు. కుటుంబ సభ్యులు తట్టిలేపినా సుస్మిత స్పందించలేదు. వెంటనే వైద్యులు. ఆమెను పరీక్షించిన వైద్యులు ఆమెకు గుండెపోటు వచ్చినట్లు గుర్తించారు. వెంటనే సీపీఆర్‌ చేసి బతికేందుకు ప్రయత్నించినా ఫలితం లేకపోయింది. అప్పటికే ఆమె మృతి చెందినట్లు నిర్ధారించారు. ఈ ఘటన గురించి తెలుసుకున్న ప్రతి ఒక్కరి కళ్లు చెమర్చాయి.