అకౌంట్ల లోకి 10వేలు.. 5 లక్షలతో ఇల్లు కూడా!

ఇటీవల వర్షం, వరదల కారణంగా ఇళ్లు పూర్తిగా దెబ్బతిన్న కుటుంబాలకు సెప్టెంబర్‌ నెలాఖరులోగా ఇందిరమ్మ ఇళ్ల పథకం కింద రూ.5 లక్షల చొప్పున అందజేస్తామని దేవాదాయ శాఖ మంత్రి పొంగులేటి శ్రీనివాస్‌రెడ్డి హామీ ఇచ్చారు. వరద ప్రభావిత జిల్లాల నుంచి ఏ మేరకు నష్టం వాటిల్లిందనే దానిపై ఇప్పటికే రాష్ట్ర ప్రభుత్వానికి నివేదిక అందిందని శ్రీనివాస్ రెడ్డి తెలిపారు. ఇళ్లు పాక్షికంగా దెబ్బతిన్న వారికి రూ.16,500 ఇస్తున్నామని, పంట నష్టపోయిన రైతులకు ఎకరాకు రూ.10 వేలు అందజేస్తామని చెప్పారు. వర్షాలు, వరదలతో పంట నష్టపోయినవారికి సాయం త్వరలోనే బ్యాంకు ఖాతాల్లో జమవుతుందని చెప్పారు. మెుత్తం 29 జిల్లాలను వరద ప్రభావిత జిల్లాలుగా గుర్తించారు. ఖమ్మం, మహబూబాబాద్ జిల్లాల్లో భారీగా నష్టం వాటిల్లింది. మెుత్తం 33 మంది ప్రాణాలు కోల్పోయారు.