సికింద్రాబాద్‌ - సిద్ధిపేట మధ్య కూతపెట్టనున్న తొలి రైలు

అయితే సికింద్రాబాద్‌ నుంచే ప్రజలు పెద్ద ఎత్తున వస్తారన్న కారణంతో సికింద్రాబాద్‌ నుంచి రైలు సేవలు ప్రారంభించేందుకు అధికారులు గ్రీన్‌ సిగ్నల్‌ ఇచ్చారు. ఇదిలా ఉంటే ఇంతకీ ఈ రైలు ఏయే స్టేషన్స్‌లో ఆగుతుంది.? టికెట్‌ రేటు ఎంత? లాంటి పూర్తి వివరాలు తెలుసుకోండి. సికింద్రాద్‌ నుంచి సిద్ధిపేటకు రైలు మార్గం మొత్తం 116 కిలోమీటర్ల దూరం ఉంటుంది. సికింద్రాబాద్‌లో బయలుదేరే ప్యాసింజర్‌ రైలు మల్కాజిగిగి, కెవలరీ బ్యారక్స్‌, బొల్లారం, గుండ్లపోచంపల్లి, మేడ్చల్‌, మనోహరాబాద్‌, నాచారం, బేగంపేట, గజ్వేల్‌, కొడకండ్ల, లకుడారం, దుద్దెడ, సిద్ధిపేట స్టేషన్స్‌లో ఆగతుంది. ఇక సికింద్రాబాద్‌ నుంచి సిద్ధిపేట వరకు రైలు ఛార్జీ రూ. 60గా నిర్ణయించినట్లు తెలుస్తోంది.

ఇక ముదుగా రైలు నెంబర్ 07483 సిద్ధిపేటలో ఉదయం 6.45 గంటలకు బయలుదేరి 10.15 గంటలకు సికింద్రాబాద్‌కు చేరుకుంటుంది. ఇక సికింద్రాబాద్‌లో 07484 నెంబర్‌ రైలు సికింద్రాబాద్‌ నుంచి ఉదయం 10.35 గంటలకు బయలుదేరి మధ్యాహ్నం 1.45 గంటలకు సిద్ధపేట చేరుకుంటుంది. అనంతరం తిరిగి సిద్ధిపేటలో మధ్యాహ్నం 2.05 గంటలకు బయలుదేరీ సికింద్రాబాద్‌కు సాయంత్రం 5.10గంటలకు చేరుకుంది. ఇక చివరిగా సికింద్రాబాద్‌లో సాయంత్రం 5.45 గంటలకు బయలుదేరిన రైలు సిద్ధిపేటకు రాత్రి 8.40 గంటలకి చేరుకుటుంది. సిద్ధిపేట, సికింద్రాబాద్‌ల మధ్య నడుస్తోన్న బస్సు ఛార్జీలతో పోల్చితే రైలు ప్రయాణం సగం అని చెప్పాలి.