చిన్నారి ప్రాణం తీసిన కొబ్బరి ముక్క

గురువారం తొలి ఏకాదశి కావడంతో.. కుటుంబమంతా కలిసి సాయంత్రం సమయంలో చిన్నారిని తీసుకుని స్థానిక ఆలయానికి వెళ్లారు. గుడికి వెళ్తే.. సాధారణంగా కొబ్బరికాయ కొడతారు. వీరు కూడా గుళ్లో కొబ్బరికాయ కొట్టి, అందులోని ఓ చిన్న ముక్కను తీసి ప్రసాదంగా బాలుడికి ఇచ్చారు. బాలుడు కొబ్బరి ముక్క తింటున్న క్రమంలో అది కాస్తా గొంతులో ఇరుక్కుపోయింది. దీంతో చిన్నారి ఊపిరాడక ఇబ్బంది పడ్డాడు. గమనించిన తల్లిదండ్రులు వెంటనే జశ్వంత్ ను సమీపంలోని ఆసుపత్రికి తరలించారు. కానీ.. అప్పటికే చిన్నారి మృతి చెందినట్లు వైద్యులు తెలిపారు. క్షణాల్లోనే తమబిడ్డ అందనిలోకాలకు వెళ్లిపోవడం ఆ తల్లిదండ్రులు జీర్ణించుకోలేకపోయారు. కడుపుకోతతో ఆ తల్లి.. కన్నబిడ్డను పోగొట్టుకున్న ఆ తండ్రి రోధించిన తీరు అందరిచే కంటతడి పెట్టించింది. జశ్వంత్ ఆకస్మిక మృతితో స్థానికంగా విషాదఛాయలు అలుముకున్నాయి.