మావో అగ్రనేత సుజాత అరెస్ట్

మావోయిస్టు అగ్రనేత కల్పన అలియాస్ సుజాత అరెస్టు అయ్యారు. మావోయిస్టు కీలక నేత సుజాతను పోలీసులు పట్టుకున్నట్లు సమాచారం. చికిత్స కోసం కొత్తగూడెంలోని ఆస్పత్రికి వెళ్తుండగా తెలంగాణ పోలీసులు ఈరోజు ఉదయం ఆమెను అరెస్ట్‌ చేసినట్లుగా చెబుతున్నారు. ఛత్తీస్‌గఢ్‌లోని సుక్మాలో తెలంగాణ పోలీసులు ఆమెను అరెస్టు చేసినట్లు తెలిసింది. మావోయిస్టుల ఆపరేషన్ల లో కీలక పాత్ర పోషించిన సుజాతపై మహారాష్ట్ర, ఆంధ్రప్రదేశ్‌, తెలంగాణ, ఛత్తీస్‌గఢ్‌లో రూ.కోటి రూపాయలకిపై గా రివార్డు ఉంది. ప్రస్తుతం ఆమె బస్తర్‌ డివిజనల్‌ కమిటీకి ఇన్‌ఛార్జ్‌గా ఉన్నారు.