Sat Nov 23 2024 03:31:10 GMT+0000 (Coordinated Universal Time)
తెలంగాణలో ఉద్యోగాలు.. రెండు నోటిఫికేషన్లు జారీ చేసిన టీఎస్ పీఎస్సీ
వచ్చే నెల 6 నుండి ఈ పోస్టులకు దరఖాస్తు ప్రక్రియ ప్రారంభం కానుంది. పోస్టుల వివరాలకొస్తే.. సాంకేతిక విద్యాశాఖలో 37 పీడీ పోస్టులు
తెలంగాణలో మరో 276 ఖాళీలు భర్తీ కానున్నాయి. విద్య, వ్యవసాయ శాఖల్లోని ఖాళీల భర్తీకి తెలంగాణ పబ్లిక్ సర్వీస్ కమిషన్ (టీఎస్ పీఎస్సీ) తాజాగా మరో రెండు నోటిఫికేషన్లు జారీ చేసింది. అందులో భాగంగా రెండు శాఖల్లోని 276 ఉద్యోగ ఖాళీలను పూరించున్నట్లు తెలిపింది. వచ్చే నెల 6 నుండి ఈ పోస్టులకు దరఖాస్తు ప్రక్రియ ప్రారంభం కానుంది. పోస్టుల వివరాలకొస్తే.. సాంకేతిక విద్యాశాఖలో 37 పీడీ పోస్టులు, ఇంటర్ విద్యాశాఖలో 91 పీడీ పోస్టుల భర్తీకి నోటిఫికేషన్ విడుదల చేసినట్లు అధికారులు చెప్పారు.
పోస్టులకు దరఖాస్తు చేసుకునేందుకు ఉండాల్సిన అర్హతల వివరాలకై టీఎస్ పీఎస్సీ అధికారిక వెబ్ సైట్ ను చూడాలని సూచించారు. అర్హత కలిగినవారు జనవరి 6 నుండి 27వ తేదీ వరకూ ఆన్లైన్లో దరఖాస్తు చేసుకోవాలని సూచించారు. అలాగే..వ్యవసాయ శాఖలో అగ్రికల్చర్ ఆఫీసర్ పోస్టుల(మల్టి జోన్-1 లో 100, మల్టి జోన్-2 లో 48 ఖాళీలు) భర్తీ ప్రక్రియ చేపట్టినట్లు వివరించారు. ఈ పోస్టులకు జనవరి 10 నుంచి జనవరి 30 వరకు దరఖాస్తులు స్వీకరిస్తామని టీఎస్ పీఎస్సీ సెక్రెటరీ అనితా రామచంద్రన్ తెలిపారు.
Next Story
