సంచలనం: ప్రభుత్వంలో టీఎస్ఆర్టీసీ విలీనం

ఆర్టీసీని కాపాడేందుకు, ప్రజా రవాణాను పటిష్టం చేసేందుకు ప్రభుత్వంలో టీఎస్ఆర్టీసీ విలీనం చేయనున్నామని మంత్రి కేటీఆర్ మీడియా సమావేశంలో తెలిపారు. గతంలో చాలాసార్లు ఆర్టీసీ ఉద్యోగులు తమను ప్రభుత్వ ఉద్యోగులుగా గుర్తించాలని కోరారని.. తమ ప్రభుత్వం ఆ దిశగా కీలక నిర్ణయం తీసుకుందని అన్నారు కేటీఆర్. అందుకు సంబంధించి పూర్తీ నివేదిక ఇవ్వగానే మిగిలిన పనులను పూర్తీ చేస్తామని అన్నారు. వచ్చే శాసనసభల్లో అందుకు సంబంధించిన బిల్లును ప్రవేశపెట్టబోతున్నామని అన్నారు. హైదరాబాద్ నగరం భారీగా అభివృద్ధి జరుగుతోందని.. అందుకు తగ్గట్టుగా ప్రజా రవాణాను మరింత పటిష్టం చేస్తామని అన్నారు.